മഞ്ഞിന്റെ.... കുഞ്ഞു കുഞ്ഞു കുമിളകൾ....
മനസ്സിൽ..... കൊഴിഞ്ഞുവീണു....
മഞ്ഞിന്റെ കുഞ്ഞു കുഞ്ഞു കുമിളകൾ
മനസ്സിൽ കൊഴിഞ്ഞുവീണു അതിൽ മഞ്ജുഷേ
നമ്മുടെ മൂകാനുരാഗം
മയിൽപ്പീലിവർണ്ണങ്ങൾ ചൂടിനിന്നു
ചൂടിനിന്നു
(മഞ്ഞിന്റെ കുഞ്ഞു കുഞ്ഞു.....)
കുളിരലകൾ താളമിടും തളിരിലകൾ പോലെ
തരളലോലതന്ത്രികളിൽ സ്വരകണങ്ങൾ പോലെ
(കുളിരലകൾ....)
തരളമാം കരളുകൾതൻ അണിയറകളിലെങ്ങോ
ഉണരുകയായിരുന്നു - പ്രണയം
വിരിയുകയായിരുന്നു
(മഞ്ഞിന്റെ കുഞ്ഞു കുഞ്ഞു....)
പുലരികളിൽ പൂവനിയിൽ ഉതിർമണികൾപോലെ
മഴമുകിലിൻ കവിളുകളിൽ ജലകണങ്ങൾപോലെ
(പുലരികളിൽ....)
സുരഭിയാം പനിമലരിൽ മധുകിനിയുംപോലെ
കുളിരുകളണിഞ്ഞുനിന്നു - ഹൃദയം
പ്രകൃതിയിൽ അലിഞ്ഞുനിന്നു
(മഞ്ഞിന്റെ കുഞ്ഞു കുഞ്ഞു....)