मनी माझिया नटले गोकुळ
मी राधा तू कान्हा प्रेमळ
वाजविता तू मधुर बासरी
नंदन माझ्या फुले अंतरी
फुटते घागर, भिजते साडी
खट्याळ हसते कालिंदी जळ
मथुरेच्या रे वाटेवरती
आडविसी मज धरुनी हाती
खुशाल लुटिसी दही दूध लोणी
गोपसख्या तू भारी अवखळ
यमुनाकाठी रास रंगतो
रमतो आपण मी पण हरतो
अंध जगाला कशी दिसावी
अपुली प्रीती अपुले गोकुळ
manī mājhiyā naṭle gokuḻ
mī rādhā tū kānhā premaḻ
vājvitā tū madhur bāsrī
naṅdan mājhyā phule aṅtrī
phuṭte ghāgar, bhijte sāḍī
khaṭyāḻ haste kāliṅdī jaḻ
mathurechyā re vāṭevartī
āḍvisī maj dharunī hātī
khuśhāl luṭisī dahī dūdh loṇī
gopasakhyā tū bhārī avkhaḻ
yamunākāṭhī rās raṅgto
ramto āpaṇ mī paṇ harto
aṅdh jagālā kaśhī disāvī
apulī prītī apule gokuḻ