Melleyonnu paadi ninne [M]

ഓ ..........
മെല്ലെയൊന്നു പാടി നിന്നെ ഞാനുണര്‍ത്തിയോമലേ
ആ.......
മെല്ലെയൊന്നു പാടി നിന്നെ ഞാനുണര്‍ത്തിയോമലേ
കണ്ണിലുള്ള കനവൂതാതേ നിന്‍ ചുണ്ടിലുള്ള ചിരി മായാതേ
പാതിപെയ്ത മഴ കാണാതേ വെണ്‍പാരിജാതമലരറിയാതേ
(മെല്ലേയൊന്നു പാടി)

പൂമാനം കുടപിടിയ്ക്കും ഹോയ് ഈ പൂപ്പാട്ടിന്‍ വയല്‍ വരമ്പില്‍
കാറ്റോടെന്‍ കവിളുരുമ്മി ഹോയ് ഞാനാറ്റോരം നടന്നിരുന്നു
പകല്‍ മുല്ലമൊട്ടായി നീയോ വിരിഞ്ഞു നിന്നു
പുലര്‍വെയില്‍പ്പൊന്നോ നിന്നേ പൊതിഞ്ഞിരുന്നു
താന നാന നന തനനന നാനന
താന നാന നന തനനാ ന
മാറിലുള്ള മറുകറിയാതേ എന്‍ മനസ്സിലുള്ള കിളിയറിയാതേ
(മെല്ല്ലെയൊന്നു പാടി)

അന്നും നീ തനിച്ചിരിയ്ക്കും ഹോയ് ഈ താഴമ്പൂ പുഴക്കടവില്‍
എന്തേ നീ അരികിലെത്തി ഹോയ് നിന്‍ ജന്മങ്ങള്‍ എനിക്കു തന്നു
പതുങ്ങിവന്നെന്നേ മെല്ലെ മടിയില്‍ വെച്ചു
പരിഭവം കൊണ്ടെന്‍ കാതില്‍ കഥ പറഞ്ഞു
താന നാന നന
ചാരെ നിന്ന നിഴലറിയാതേ ഈ മഴ നനഞ്ഞ മുകിലറിയാതേ
(മെല്ലെയൊന്നു പാടി)