मन मनास उमगत नाही, आधार कसा शोधावा ?
स्वप्नातील पदर धुक्याचा, हातास कसा लागावा ?
मन थेंबांचे आकाश, लाटांनी सावरलेले
मन नक्षत्रांचे रान, अवकाशी अवघडलेले
मन गरगरते आवर्त, मन रानभूल, मन चकवा
मन काळोखाची गुंफा, मन तेजाचे राऊळ
मन सैतानाचा हात, मन देवाचे पाऊल
दुबळया गळक्या झोळीत हा सूर्य कसा झेलावा
चेहरा, मोहरा ह्याचा कुणी कधी पाहीला नाही
धनी अस्तित्वाचा तरीही, ह्याच्याविण दुसरा नाही
ह्या अनोळखी नात्याचा, कुणी कसा भरवसा द्यावा
man manās umgat nāhī, ādhār kasā śhodhāvā ?
svapnātīl padar dhukyāchā, hātās kasā lāgāvā ?
man theṅbāṅche ākāśh, lāṭāṅnī sāvarlele
man nakṣhatrāṅche rān, avkāśhī avghaḍlele
man gargarte āvart, man rānbhūl, man chakvā
man kāḻokhāchī guṅphā, man tejāche rāūḻ
man saitānāchā hāt, man devāche pāūl
dubaḻyā gaḻkyā jhoḻīt hā sūry kasā jhelāvā
chehrā, mohrā hyāchā kuṇī kadhī pāhīlā nāhī
dhanī astitvāchā tarīhī, hyāchyāviṇ dusrā nāhī
hyā anoḻkhī nātyāchā, kuṇī kasā bharavsā dyāvā