മലയാളമേ മലയാളമേ
മലകളും പുഴകളും മണിപ്രവാളങ്ങളും
മനസ്സിനെ രസിപ്പിക്കും മലയാളമേ നിന്റെ
തിരുമുമ്പിലുണരുന്ന ഹൃദയവുമായ് വരും
ഒരുകൊച്ചു പാട്ടുകാരന് ഞാനൊരു
മലയാളിപ്പാട്ടുകാരന്...............
ഇവിടെ യുഗങ്ങള് മനുഷ്യന്റെ മുന്നില്
സാഷ്ടാംഗം നമസ്കരിച്ചിരുന്നു
ജനകോടികള്തന് ധമനിയിലെന്നും
അദ്ധ്വാനം കുടിയേറിയിരുന്നു
മരുഭൂമികളേ മലര്വനമാക്കും
ആവേശം സൃഷ്ടിച്ച മലയാളമേ
ജനിച്ചാല് നിന്റെ മണ്ണില് ജനിക്കണം
ശ്വസിച്ചാല് നിന്റെ തെന്നല് ശ്വസിക്കണം
മലയാളമേ...........
ഇതിലേ പായും പറവകളെല്ലാം
ഇതിഹാസം ഉരുക്കഴിച്ചിരുന്നൂ
ഇതുവഴിയൊഴുകും അരുവികള് പോലും
വേദാന്തം ഉരിയാടിയിരുന്നു
ശ്രീശങ്കരനും രാമാനുജനും
സായൂജ്യം പ്രാപിച്ച മലയാളമേ
വളര്ന്നാല് നിന്റെ മണ്ണില് വളരണം
പഠിച്ചാല് നിന്റെ കഥകള് പഠിക്കണം
മലയാളമേ.............