mere raṅg meṅ raṅgne vālī
parī ho yā ho pariyoṅ kī rānī
yā ho merī prem kahānī
mere savāloṅ kā javāb do, do na
bolo na kyoṅ ye chāṇd sitāre
takte haiṅ yūṇ mukhaṛe ko tumhāre
chhūke badan ko havā kyoṅ mahkī
rāt bhī hai kyoṅ bahkī bahkī
mere savāloṅ kā javāb do …
kyoṅ ho tum śharmāī huī sī
lagtī ho kuchh ghabrāī huī sī
ḍhalkā huā sā āṇchal kyoṅ hai
ye mere dil meṅ halchal kyoṅ hai
mere savāloṅ kā javāb do …
dono taraf benām sī uljhan
jaise mile ho dulhā-dulhan
dono kī aisī hālat kyoṅ hai
ākhir itnī muhabbat kyoṅ hai
mere savāloṅ kā, javāb do …
