मग माझा जीव तुझ्या वाटेवर वणवणेल
मग माझा जीव तुझ्या वाटेवर वणवणेल
अन् माझी हाक तुझ्या अंतरात हुरहुरेल
मी फिरेन दूर दूर, तुझिया स्वप्नांत चूर
तिकडे पाऊल तुझे उंबऱ्यात अडखळेल
विसरशील सर्व सर्व, आपुले रोमांचपर्व
पण माझे नाव तुझ्या ओठावर हुळहुळेल
सहज कधी तू घरात लावशील सांजवात
माझेही मन तिथेच ज्योतीसह थरथरेल
जेव्हा तू नाहशील, दर्पणात पाहशील
माझे अस्तित्व तुझ्या आसपास दरवळेल
जेव्हा रात्री कुशीत, माझे घेशील गीत
माझे तारुण्य तुझ्या गात्रांतुन गुणगुणेल
मग सुटेल मंद मंद, वासंतिक पवन धुंद
माझे आयुष्य तुझ्या अंगणात टपटपेल
अन् माझी हाक तुझ्या अंतरात हुरहुरेल
mag mājhā jīv tujhyā vāṭevar vaṇavṇel
an mājhī hāk tujhyā aṅtrāt hurhurel
mī phiren dūr dūr, tujhiyā svapnāṅt chūr
tikḍe pāūl tujhe uṅbaऱyāt aḍakhḻel
visarśhīl sarv sarv, āpule romāṅchaparv
paṇ mājhe nāv tujhyā oṭhāvar huḻhuḻel
sahaj kadhī tū gharāt lāvśhīl sāṅjvāt
mājhehī man tithech jyotīsah tharathrel
jevhā tū nāhśhīl, darpṇāt pāhśhīl
mājhe astitv tujhyā āspās daravḻel
jevhā rātrī kuśhīt, mājhe gheśhīl gīt
mājhe tāruṇy tujhyā gātrāṅtun guṇguṇel
mag suṭel maṅd maṅd, vāsaṅtik pavan dhuṅd
mājhe āyuṣhy tujhyā aṅgṇāt ṭapaṭpel
an mājhī hāk tujhyā aṅtrāt hurhurel