मधु मागशि माझ्या सख्या परी
मधुघटची रिकामे पडती घरी
आजवरी कमळाच्या द्रोणी
मधु पाजिला तुला भरोनी
सेवा ही पूर्विची स्मरोनी
करि न रोष सख्या दया करी
नैवेद्याची एकच वाटी
आता दुधाची माझ्या गाठी
देवपुजेस्तव ही कोरांटी
बाळगी अंगणी कशी तरी
तरुण-तरुणींची सलज्ज कुजबुज
वृक्ष-झऱ्यांचे गूढ मधुर गुज
संसाराचे मर्म हवे तुज
मधु पिळण्या परि बळ न करी
ढळला ढळला दिन सखया
संध्या छाया भिवविती हृदया
आता मधूचे नाव कासया
लागले नेत्र रे पैलतिरी
madhu māgśhi mājhyā sakhyā parī
madhughaṭchī rikāme paḍtī gharī
ājavrī kamḻāchyā droṇī
madhu pājilā tulā bharonī
sevā hī pūrvichī smronī
kari na roṣh sakhyā dayā karī
naivedyāchī ekach vāṭī
ātā dudhāchī mājhyā gāṭhī
devpujestav hī korāṅṭī
bāḻgī aṅgṇī kaśhī tarī
taruṇ-taruṇīṅchī salajj kujbuj
vṛkṣh-jhaऱyāṅche gūḍh madhur guj
saṅsārāche marm have tuj
madhu piḻṇyā pari baḻ na karī
ḍhaḻlā ḍhaḻlā din sakhyā
saṅdhyā chhāyā bhivvitī hṛdyā
ātā madhūche nāv kāsyā
lāgle netr re pailtirī