മായാമഞ്ചലില് ഇതുവഴിയെ പോകും തിങ്കളേ
കാണാത്തംബുരു തഴുകുമൊരു തൂവല്ത്തെന്നലേ
ആരും പാടാത്ത പല്ലവി കാതില് വീഴുമീ വേളയില്
കിനാവുപോല് വരൂ വരൂ...
(മായാമഞ്ചലില്)
ഏഴുതിരിവിളക്കിന്റെ മുമ്പില് ചിരി തൂകി
മലര്ത്താലം കൊണ്ടുവന്നതാര്?
കനകമഞ്ചാടിപോലെ അഴകു തൂകുമീ നേരം
എതൊരോര്മ്മയില് നിന്നു നീ
ആരെത്തേടുന്നു ഗോപികേ?
കിനാവിലെ മനോഹരീ
(മായാമഞ്ചലില്)
പൂനിലാവു പെയ്യുമീറന്രാവില് കതിരാമ്പല്-
ക്കുളിര്പൊയ്ക നീന്തി വന്നതാര്?
പവിഴമന്ദാരമാല പ്രകൃതി നല്കുമീ നേരം
മോഹക്കുങ്കുമം പൂശി നീ
ആരെത്തേടുന്നു ഗോപികേ?
കിനാവിലെ സുമംഗലീ
(മായാമഞ്ചലില്)