माती सांगे कुंभाराला पायी मज तुडविसी
तुझाच आहे शेवट वेड्या माझ्या पायाशी
मला फिरविसी तू चाकावर
घट मातीचे घडवी सुंदर
लग्नमंडपी कधी असे मी कधी शवापाशी
वीर धुरंधर आले, गेले
पायी माझ्या इथे झोपले
कुब्जा अथवा मोहक युवती अंती मजपाशी
गर्वाने का ताठ राहसी
भाग्य कशाला उगा नासशी
तुझ्या ललाटी अखेर लिहिले मिलन माझ्याशी
mātī sāṅge kuṅbhārālā pāyī maj tuḍvisī
tujhāch āhe śhevaṭ veḍyā mājhyā pāyāśhī
malā phirvisī tū chākāvar
ghaṭ mātīche ghaḍvī suṅdar
lagnamaṅḍpī kadhī ase mī kadhī śhavāpāśhī
vīr dhuraṅdhar āle, gele
pāyī mājhyā ithe jhople
kubjā athvā mohak yuvtī aṅtī majpāśhī
garvāne kā tāṭh rāhsī
bhāgy kaśhālā ugā nāsśhī
tujhyā lalāṭī akher lihile milan mājhyāśhī