वेळ झाली भर माध्यान्ह, माथ्यावर तळपे ऊन
नको जाऊ कोमेजून, माझ्या प्रीतीच्या फुला
तप्त दिशा झाल्या चारी, भाजतसे सृष्टी सारी
कसातरी जीव धरी, माझ्या प्रीतीच्या फुला
वाहतात वारे जळते, पोळतात फुलत्या तनू ते
चित्त इथे मम हळहळते, माझ्या प्रीतीच्या फुला
माझी छाया माझ्या खाली, तुज साठी आसावली
कशी करु तुज सावली, माझ्या प्रीतीच्या फुला
दाटे दोन्ही डोळा पाणी, आटे नयनांत सुकूनी
कसे घालू तुज आणूनी, माझ्या प्रीतीच्या फुला
मृगजळाच्या तरंगात, नभाच्या निळ्या रंगात
चल रंगू सारंगात, माझ्या प्रीतीच्या फुला
veḻ jhālī bhar mādhyānh, māthyāvar taḻpe ūn
nako jāū komejūn, mājhyā prītīchyā phulā
tapt diśhā jhālyā chārī, bhājatse sṛṣhṭī sārī
kasātrī jīv dharī, mājhyā prītīchyā phulā
vāhtāt vāre jaḻte, poḻtāt phulatyā tanū te
chitt ithe mam haḻhaḻte, mājhyā prītīchyā phulā
mājhī chhāyā mājhyā khālī, tuj sāṭhī āsāvlī
kaśhī karu tuj sāvlī, mājhyā prītīchyā phulā
dāṭe donhī ḍoḻā pāṇī, āṭe naynāṅt sukūnī
kase ghālū tuj āṇūnī, mājhyā prītīchyā phulā
mṛgajḻāchyā taraṅgāt, nabhāchyā niḻyā raṅgāt
chal raṅgū sāraṅgāt, mājhyā prītīchyā phulā