माझे गाणे एकच माझे नित्याचे गाणे
माझे गाणे, एकच माझे नित्याचे गाणे
अक्षय गाणे, अभंग गाणे, गाणे हे गाणे
सर्व जगाचे मंगल, मंगल माझे गाणे
या विश्र्वाची एकतानता हे माझे गाणे
आशेच्या वीणेचा चढवूनी सूर भौतिकांत
हे गाणे, हे प्रियकर माझे गाणे मी गात
निरध्वनी हे, मूकगान हे, यास म्हणो कोणी
नभात हे साठवले याने दुमदुमली अवनी
सर्व धर्म हे भेद पंथ ही सर्व एक झाले
माझे, माझे विश्र्व, तार ही प्रेमाची बोले
ही मोक्षाची, स्वातंत्र्याची उन्नतीची माला
सौभाग्याची तार लागलो मी ही छेडायाला
हे नंदनवन ही स्वर्भूमी एक पहा झाली
मंगल मंगल मद्गानाची गती ही शेवटली
mājhe gāṇe, ekach mājhe nityāche gāṇe
akṣhay gāṇe, abhaṅg gāṇe, gāṇe he gāṇe
sarv jagāche maṅgal, maṅgal mājhe gāṇe
yā viśhrvāchī ektāntā he mājhe gāṇe
āśhechyā vīṇechā chaḍhvūnī sūr bhautikāṅt
he gāṇe, he priykar mājhe gāṇe mī gāt
niradhvnī he, mūkgān he, yās mhṇo koṇī
nabhāt he sāṭhavle yāne dumdumlī avnī
sarv dharm he bhed paṅth hī sarv ek jhāle
mājhe, mājhe viśhrv, tār hī premāchī bole
hī mokṣhāchī, svātaṅtryāchī unntīchī mālā
saubhāgyāchī tār lāglo mī hī chheḍāyālā
he naṅdanavan hī svarbhūmī ek pahā jhālī
maṅgal maṅgal madgānāchī gatī hī śhevaṭlī