മിന്നും പൊന്നും കിരീടം ചാര്‍ത്തിയ ചന്ദ്രബിംബമേ
സ്വര്‍ഗ്ഗമാക്കൂ - ഭൂമിയെ നീയൊരു സ്വര്‍ഗ്ഗമാക്കൂ (മിന്നും പൊന്നും)
നീലയവനികയഴിയുമ്പോള്‍
നവനീതചന്ദ്രിക പൊഴിയുമ്പോള്‍
നീ വരുമ്പോള്‍ നീ വരുമ്പോള്‍
നിന്റെ പരിചരണത്തിനു നില്‍പ്പൂ നിശീധിനീ-
നിന്നെ മാത്രം സ്വപ്നം കാണും മനോഹരീ.. മനോഹരീ (മിന്നും പൊന്നും)
രാഗസുരഭികള്‍ വിടരുമ്പോള്‍
ഉന്മാദമാരിലുമുണരുമ്പോള്‍ (രാഗസുരഭികള്‍)
നീ വരുമ്പോള്‍ നീ വരുമ്പോള്‍
നിന്റെ കരവലയങ്ങളില്‍ വീഴും നിശീധിനീ-
നിന്നെ മാത്രം വാരിപ്പുണരും വിലാസിനി.. വിലാസിനി (മിന്നും പൊന്നും)
