Sooryagaandippoosiriccu

സൂര്യകാന്തിപ്പൂ ചിരിച്ചു
അതില്‍ നിന്‍റെ സ്വര്‍ണ്ണ മുഖബിംബം ലയിച്ചു
കാറ്റ് കസ്തൂരി വിതച്ചു
അത് നിന്‍റെ കബരീഭാരത്തെയുലച്ചു
(സൂര്യകാന്തി)

മണല്‍പ്പരപ്പില്‍ നിഴലുകള്‍ പാടി
മാദക നീരദ മാലകള്‍ ഒഴുകി (2)
ഒരു നിഴലായ് ഞാന്‍ നിന്‍ പിന്‍പെയോടി
അത് കണ്ടു കിളിക്കൂട്ടം കളിയാക്കിപ്പാടി
പാടി
(സൂര്യകാന്തി )

കടല്‍ പുണര്‍ന്നു തിര മാറിലണിഞ്ഞു
കാമുകനാം തീരം ആശകളണിഞ്ഞു
ഒരു കടലായ് നീ എന്മുന്നിലിളകി
അത് കണ്ടു നിറസന്ധ്യ രാഗാര്‍ദ്രയായി
രാഗാര്‍ദ്രയായി
(സൂര്യകാന്തി)