कुठे शोधिसी रामेश्वर अन् कुठे शोधिसी काशी
हृदयातील भगवंत राहिला हृदयातून उपाशी
झाड फुलांनी आले बहरुन, तू न पाहिले डोळे उघडुन
वर्षाकाळी पाऊस धारा, तुला न दिसला त्यात इशारा
काय तुला उपयोग आंधळ्या, दीप असून उशाशी
रुद्राक्षांच्या गळ्यांत माळा, लाविलेस तू भस्म कपाळा
कधी न घेऊन नांगर हाती, पिकविलेस मातीतुन मोती
हाय अभाग्या भगवे नेसुन घर संन्यासुन जाशी
देव बोलतो बाळ मुखांतुन, देव डोलतो उंच पिकांतुन
कधी होऊनी देव भिकारी, अन्नासाठी आर्त पुकारी
अवती भवती असुन दिसेना, शोधितोस आकाशी
kuṭhe śhodhisī rāmeśhvar an kuṭhe śhodhisī kāśhī
hṛdyātīl bhagavaṅt rāhilā hṛdyātūn upāśhī
jhāḍ phulāṅnī āle bahrun, tū na pāhile ḍoḻe ughḍun
varṣhākāḻī pāūs dhārā, tulā na dislā tyāt iśhārā
kāy tulā upyog āṅdhaḻyā, dīp asūn uśhāśhī
rudrākṣhāṅchyā gaḻyāṅt māḻā, lāviles tū bhasm kapāḻā
kadhī na gheūn nāṅgar hātī, pikviles mātītun motī
hāy abhāgyā bhagve nesun ghar saṅnyāsun jāśhī
dev bolto bāḻ mukhāṅtun, dev ḍolto uṅch pikāṅtun
kadhī hoūnī dev bhikārī, annāsāṭhī ārt pukārī
avtī bhavtī asun disenā, śhodhitos ākāśhī