कोटी कोटी रूपे तुझी, कोटी सूर्य चंद्र तारे
कुठे कुठे शोधू तुला, तुझे अनंत देव्हारे
बीज अंकुरे ज्या ठायी, तिथे तुझा वास
तुझा स्पर्श आणून देतो फुलाला सुवास
चराचरा रंगविशी, रंग तुझा कोणता रे
कधी दाह ग्रीष्माचा तू, कधी मेघ ओला
जनी निर्जनी ही तुझा पाय रोवलेला
तुझी खुण नाही ऐसा गाव तरी कोणता रे
खरे रुप देवा तुझे, कोणते कळेना
तूच विटेवरी तूच वैकुंठीचा राणा
तुला आळवाया घ्यावा शब्द तरी कोणता रे
koṭī koṭī rūpe tujhī, koṭī sūry chaṅdr tāre
kuṭhe kuṭhe śhodhū tulā, tujhe anaṅt devhāre
bīj aṅkure jyā ṭhāyī, tithe tujhā vās
tujhā sparśh āṇūn deto phulālā suvās
charāchrā raṅgviśhī, raṅg tujhā koṇtā re
kadhī dāh grīṣhmāchā tū, kadhī megh olā
janī nirjnī hī tujhā pāy rovlelā
tujhī khuṇ nāhī aisā gāv tarī koṇtā re
khare rup devā tujhe, koṇte kaḻenā
tūch viṭevrī tūch vaikuṅṭhīchā rāṇā
tulā āḻvāyā ghyāvā śhabd tarī koṇtā re