Manyanyain dulligal taane peydidum

മഞ്ഞിന്‍ തുള്ളികള്‍ താനേ പെയ്തിടും
നാണം മൂടിയോ...മിഴിയും മൗനവും...
സായം സന്ധ്യയില്‍...താനേ തളിരിടും
മേയും മേഘമായ് പുളകം പെയ്യുവാന്‍
മനസ്സിന്‍ മഞ്ചലില്‍ ആടാന്‍ പോരു നീ...
മഞ്ഞിന്‍ തുള്ളികള്‍ താനേ പെയ്തിടും
നാണം മൂടിയോ...മിഴിയും മൗനവും...

മോഹങ്ങൾ ‌മീട്ടും സ്വരതന്ത്രി പോല്‍
പരിലാളനത്തില്‍ മുഴുകുമ്പോഴും
മണിമേഘ ബാഷ്പ ഹിമബിന്ദുവാൽ
അനുരാഗിണീ നീ കുളിരായ്‌ വരൂ...
നിന്നോര്‍മ്മയില്‍ അലിയുമ്പോള്‍
എന്‍ ജീവനില്‍ ഗാനങ്ങളായ്
നിന്നോര്‍മ്മയില്‍ അലിയുമ്പോള്‍
എന്‍ ജീവനില്‍ ഗാനങ്ങളായ്...
തേന്‍ ചോരുമീ അധരങ്ങളില്‍
അണിയിച്ചിടാം ഒരു ചുംബനം
മഞ്ഞിന്‍ തുള്ളികള്‍ താനേ പെയ്തിടും
നാണം മൂടിയോ...മിഴിയും മൗനവും...

വാചാലമാകും നിന്‍ മൗനവും
പ്രണയോപഹാരം ചാർ‌ത്തുമ്പോഴും
ഇഴനെയ്തുമായും തളിര്‍ സ്വപ്നമായ്
നിഴല്‍പ്പക്ഷിപോല്‍ മായല്ലേ നീ
കണ്‍പീലികള്‍ വിടരുമ്പോള്‍
മണിദീപവും പൂക്കുന്നുവോ
കണ്‍പീലികള്‍ വിടരുമ്പോള്‍
മണിദീപവും പൂക്കുന്നുവോ...
ഇതൾ‌ചൂടുമീ നിമിഷങ്ങളില്‍
പകരില്ലയോ ഒരു മൃദുമന്ത്രണം...
(മഞ്ഞിന്‍ തുള്ളികള്‍....)