किलबिल किलबिल पक्षी बोलती
झुळझुळ झुळझुळ झरे वाहती
पानोपानी फुले बहरती
फूलपाखरे वर भिरभिरती
स्वप्नी आले काही, एक मी गाव पाहिला बाई
त्या गावाची गंमत न्यारी
तिथे नांदती मुलेच सारी
कुणी न मोठे कुणी धाकटे
कुणी न बसते तिथे एकटे
सारे हसती, गाती नाचती, कोणी रडके नाही
नाही पुस्तक, नाही शाळा
हवे तेवढे खुशाल खेळा
उडो, बागडो, पडो, धडपडो, लागत कोणा नाही
तिथल्या वेली गाणी गाती
पर्या हसर्या येती जाती
झाडावरती चेंडू लटकती
शेतामधुनी बॅटी
म्हणाल ते ते सारे होते, उणे न कोठे काही
kilbil kilbil pakṣhī boltī
jhuḻjhuḻ jhuḻjhuḻ jhare vāhtī
pānopānī phule bahartī
phūlpākhre var bhirbhirtī
svapnī āle kāhī, ek mī gāv pāhilā bāī
tyā gāvāchī gaṅmat nyārī
tithe nāṅdtī mulech sārī
kuṇī na moṭhe kuṇī dhākṭe
kuṇī na baste tithe ekṭe
sāre hastī, gātī nāchtī, koṇī raḍke nāhī
nāhī pustak, nāhī śhāḻā
have tevḍhe khuśhāl kheḻā
uḍo, bāgḍo, paḍo, dhaḍapḍo, lāgat koṇā nāhī
tithalyā velī gāṇī gātī
paryā hasaryā yetī jātī
jhāḍāvartī cheṅḍū laṭaktī
śhetāmdhunī baॅṭī
mhṇāl te te sāre hote, uṇe na koṭhe kāhī