ठाऊक नाही मज काही
ठाऊक आहे का तुज काही
कशी होती रे माझी आई ?
मऊ जशी ती साय दुधाची
होती आई का तशी मायेची ?
बागेतील ते कमल मनोहर
आई होती का तशीच सुंदर
देवाघरी का एकटी जाई ?
चिऊकाऊची कथा चिमुकली
सांगत होती का ती सगळी ?
अम्हांसारखे शुंभ करोती
म्हणत होती का देवापुढ़ती ?
गात असे का ती अंगाई
आकाशाचा असे पाळणा
चंद्र ज्यात हा गोजिरवाणा
तीट लावते त्याची आई
तशी लावी का माझी आई ?
परत यायची ती कां नाही
मऊ सायीहून आई प्रेमळ
गंगेहून ती आहे निर्मळ
अमृताचे घास भरविते
आभाळापरी माया करते
आईवाचुन मीही विरही
ṭhāūk nāhī maj kāhī
ṭhāūk āhe kā tuj kāhī
kaśhī hotī re mājhī āī ?
maū jaśhī tī sāy dudhāchī
hotī āī kā taśhī māyechī ?
bāgetīl te kamal manohar
āī hotī kā taśhīch suṅdar
devāghrī kā ekṭī jāī ?
chiūkāūchī kathā chimuklī
sāṅgat hotī kā tī sagḻī ?
amhāṅsārkhe śhuṅbh karotī
mhṇat hotī kā devāpuढ़tī ?
gāt ase kā tī aṅgāī
ākāśhāchā ase pāḻṇā
chaṅdr jyāt hā gojirvāṇā
tīṭ lāvte tyāchī āī
taśhī lāvī kā mājhī āī ?
parat yāychī tī kāṅ nāhī
maū sāyīhūn āī premaḻ
gaṅgehūn tī āhe nirmaḻ
amṛtāche ghās bharvite
ābhāḻāprī māyā karte
āīvāchun mīhī virhī