कसे सरतील सये, माझ्यावीना दिस तुझे
सरताना आणि सांग सलतील ना ?
गुलाबाचे फुलं दोन, रोज राती डोळ्यांवर
मुसुमुसु पाणी सांग भरतील ना ?
पावसाच्या धारा धारा, मोजताना दिस सारा
रितेरिते मन तुझे उरे, ओठभर हसे हसे
उरातून वेडेपिसे, खोल खोल कोण आंत झुरे
आता जरा अळीमिळी, तुझी माझी व्यथा निळी
सोसताना सुखावून हसशील ना ?
कोण तुझ्या सौधातून्, उभे असे सामसूम
चिडीचूप सुनसान दिवा, आता सांज ढळेलच
आणि पुन्हा छळेलच, नभातून गोरा चांदवा
चांदण्यांचे कोटी कण, आठवांचे ओले सण
रोज रोज नीजभर भरतील ना ?
इथे दूर देशी, माझ्या सुन्या खिडकीच्यापाशी
झडे सर कांचभर तडा, तुच तुच तुझ्या तुझ्या
तुझी तुझी तुझे तुझे, सारा सारा तुझा तुझा सडा
पडे माझ्या वाटेतून, आणि मग काट्यातून
जातांनाही पायभर मखमल ना ?
आता नाही बोलायाचे, जरा जरा जगायाचे
माळूनीया अबोलीची फुले, देहभर हलू देत
वीजेवर डुलू देत, तुझ्या माझ्या विरहाचे झुले
जरा घन झुरू दे ना, वारा गुदमरू दे ना
तेंव्हा नभ धरा सारी भिजवेल ना ?
kase sartīl saye, mājhyāvīnā dis tujhe
sartānā āṇi sāṅg saltīl nā ?
gulābāche phulaṅ don, roj rātī ḍoḻyāṅvar
musumusu pāṇī sāṅg bhartīl nā ?
pāvsāchyā dhārā dhārā, mojtānā dis sārā
riterite man tujhe ure, oṭhabhar hase hase
urātūn veḍepise, khol khol koṇ āṅt jhure
ātā jarā aḻīmiḻī, tujhī mājhī vythā niḻī
sostānā sukhāvūn hasśhīl nā ?
koṇ tujhyā saudhātūn, ubhe ase sāmsūm
chiḍīchūp sunsān divā, ātā sāṅj ḍhaḻelach
āṇi punhā chhaḻelach, nabhātūn gorā chāṅdvā
chāṅdaṇyāṅche koṭī kaṇ, āṭhvāṅche ole saṇ
roj roj nījabhar bhartīl nā ?
ithe dūr deśhī, mājhyā sunyā khiḍkīchyāpāśhī
jhaḍe sar kāṅchabhar taḍā, tuch tuch tujhyā tujhyā
tujhī tujhī tujhe tujhe, sārā sārā tujhā tujhā saḍā
paḍe mājhyā vāṭetūn, āṇi mag kāṭyātūn
jātāṅnāhī pāybhar makhamal nā ?
ātā nāhī bolāyāche, jarā jarā jagāyāche
māḻūnīyā abolīchī phule, dehbhar halū det
vījevar ḍulū det, tujhyā mājhyā virhāche jhule
jarā ghan jhurū de nā, vārā gudamrū de nā
teṅvhā nabh dharā sārī bhijvel nā ?