Tekkunnu vanna kaatre

തെക്കുന്നുവന്ന കാറ്റേ തെമ്മാടിക്കാറ്റേ
തെല്ലൊന്നു നില്ല് കാറ്റേ

മാളികയിലെ മട്ടുപ്പാവില്‍
മണിമാരന്‍ നില്‍പ്പുണ്ട്
സുന്ദരമാം ഖല്‍ബുണ്ട്
നോവ് ചേരും കണ്ണുണ്ട്
കണ്ടുവെങ്കില്‍ ചൊല്ലണം ഞാന്‍
കാത്തിരിക്കണ വര്‍ത്താനം

തേന്‍കുടിക്കും വണ്ടേ തെണ്ടിനടക്കും വണ്ടേ
ഇന്നൊരുകാരിയമുണ്ടേ
ചാരെയുള്ളൊരു വീട്ടില്‍ ചെന്നെന്‍
മാരനെ നീ കാണേണം
അന്യരാരും കേള്‍ക്കാതെ
അരികില്‍ച്ചെന്നു ചൊല്ലേണം
ഇന്നലെഞാനദ്ദേഹത്തിനെ
സൊപ്പനം കണ്ട വര്‍ത്താനം