ആല്‍മരം ചായും നേരം ആശ്രയം മായും നേരം
ആത്മദുഃഖം വിതുമ്പുന്നു വേര്‍പെടും ബന്ധങ്ങള്‍
വേനല്‍ കുടീരങ്ങള്‍ ദാഹാഗ്നിയില്‍ എരിയുന്നു
കണ്ണുനീര്‍പ്പാടമോ പാഴ്മനക്കാടോ
കാനല്‍ത്തടാകമോ കാണാക്കിനാവോ
കൈവശം നിങ്ങള്‍ നേടുന്നു
ഓഹരി വാങ്ങി ഈ ഊഴിയും വാനവും
ഒരുനാള്‍ തമ്മില്‍ പിരിഞ്ഞേ പോയ്
താരകപ്പൊന്‍പണം മാനത്തുമിന്നുമ്പോള്‍
താഴെ ഈ പൂക്കള്‍ കൊഴിഞ്ഞേ പോയോ?
ഓ... ഭാഗ്യപത്രങ്ങളേ പാപപുണ്യങ്ങളേ
മണ്ണിലോ വിണ്ണിലോ നിങ്ങള്‍ തന്‍ താവളങ്ങളും
എങ്ങുപോയ് നീ തൊഴും സ്വര്‍ണ്ണദീപം
തങ്ങളില്‍ തല്ലിയീ ആഴിയും തീരവും
പിന്നെയും തമ്മില്‍ അകന്നാലും
പാവമാം തീരത്തെ പുല്‍കുന്ന സാഗരം
പാതിരാക്കാറ്റില്‍ തേങ്ങുന്നു
ഓ... സ്നേഹബന്ധങ്ങളേ ജീവഗന്ധങ്ങളേ
വേര്‍പെടാനാവുമോ നീളുമീ യാത്രയില്‍
പാവനം പൈതൃകം നേടുമോ നീ?
