Neelanilaa

നീലനിലാവില്‍ ഞാന്‍ നിദ്രയുണര്‍ന്നു
നീവരും വഴിയില്‍ ഞാന്‍ കാത്തുതളര്‍ന്നു
താരകം താരാട്ടു പാടാന്‍ ശ്രമിച്ചു
താഴമ്പൂ മണമേന്തും കാറ്റും ചലിച്ചു

കരിമേഘക്കീറില്‍ ഞാന്‍ കാവ്യം രചിച്ചു
കാവ്യം നിനക്കായ് ഞാന്‍ കാറ്റിലയച്ചു
കടലിലെ കൊടുംകാറ്റില്‍ മേഘം കറങ്ങി
കടലലനടുവിലെന്‍ കാവ്യമുറങ്ങി

പൂനിലാപ്പാലൊരു പുഴയായൊഴുകി
പുഴയില്‍ ഞാനൊരു പൂവായൊഴുകി
പുലരാറായപ്പോള്‍ പുഴപോയ് മറഞ്ഞു
പാതിരാപ്പൂ ഞാന്‍ മണ്ണിലടിഞ്ഞു