ज्ञानदेव बाळ माझा, सांगे गीता भगवंता
लक्ष द्या हो विनवीते, मराठी मी त्याची माता
गोड माझ्या सोनुल्याचा लळा लागे बालपणा
बांधुनिया घुंगुरवाळे अंगी नाचे थोरपणा
निरुपण सांगायाला, तुम्ही द्या हो शहाणपणा
बाळमुखी मोठा घास भरवा हो जगन्नाथा
निरक्षर लोकांसाठी प्राणांचेही देऊन मोल
अमृताते जिंकून पैजा धावे मराठीचा बोल
ज्ञानदीप डोळियाचे तेजाळता तेजोगोल
देवगुरु खाली आले जोडोनिया दोन्ही हाता
jñāndev bāḻ mājhā, sāṅge gītā bhagavaṅtā
lakṣh dyā ho vinvīte, marāṭhī mī tyāchī mātā
goḍ mājhyā sonulyāchā laḻā lāge bālapṇā
bāṅdhuniyā ghuṅgurvāḻe aṅgī nāche thorapṇā
nirupaṇ sāṅgāyālā, tumhī dyā ho śhahāṇapṇā
bāḻmukhī moṭhā ghās bharvā ho jagannāthā
nirakṣhar lokāṅsāṭhī prāṇāṅchehī deūn mol
amṛtāte jiṅkūn paijā dhāve marāṭhīchā bol
jñāndīp ḍoḻiyāche tejāḻtā tejogol
devguru khālī āle joḍoniyā donhī hātā