दिवसामागून दिवस चालले, ऋतू मागूनी ऋतू
जिवलगा, कधी रे येशील तू
धरेस भिजवून गेल्या धारा
फुलून जाईचा सुके फुलोरा
नभ धरणीशी जोडून गेले सप्तरंग सेतू
शारद शोभा आली, गेली
रजनीगंधा फुलली, सुकली
चंद्रकलेसम वाढून विरले, अंतरीचे हेतू
हेमंती तर नुरली हिरवळ
शिशीर करी या शरिरा दुर्बल
पुन्हा वसंती डोलू लागे, प्रेमांकित केतू
पुनरपि ग्रीष्मी तीच काहीली
मेघावली नभी पुनरपि आली
पुनश्च वर्षा लागे अमृत विरहावर ओतू
divsāmāgūn divas chālle, ṝtū māgūnī ṝtū
jivalgā, kadhī re yeśhīl tū
dhares bhijvūn gelyā dhārā
phulūn jāīchā suke phulorā
nabh dharṇīśhī joḍūn gele saptaraṅg setū
śhārad śhobhā ālī, gelī
rajnīgaṅdhā phullī, suklī
chaṅdraklesam vāḍhūn virle, aṅtrīche hetū
hemaṅtī tar nurlī hiravaḻ
śhiśhīr karī yā śharirā durbal
punhā vasaṅtī ḍolū lāge, premāṅkit ketū
punarpi grīṣhmī tīch kāhīlī
meghāvlī nabhī punarpi ālī
punaśhch varṣhā lāge amṛt virhāvar otū