जय जय महाराष्ट्र माझा, गर्जा महाराष्ट्र माझा
जय जय महाराष्ट्र माझा, गर्जा महाराष्ट्र माझा
रेवा वरदा, कृष्ण कोयना, भद्रा गोदावरी
एकपणाचे भरती पाणी मातीच्या घागरी
भीमथडीच्या तट्टांना या यमुनेचे पाणी पाजा
जय जय महाराष्ट्र माझा ...
भीती न आम्हा तुझी मुळी ही गडगडणार्या नभा
अस्मानाच्या सुलतानीला जवाब देती जीभा
सह्याद्रीचा सिंह गर्जतो, शिवशंभू राजा
दरीदरीतून नाद गुंजला महाराष्ट्र माझा
काळ्या छातीवरी कोरली अभिमानाची लेणी
पोलादी मनगटे खेळती खेळ जीवघेणी
दारिद्र्याच्या उन्हात शिजला, निढळाच्या घामाने भिजला
देशगौरवासाठी झिजला
दिल्लीचेही तख्त राखितो, महाराष्ट्र माझा
jay jay mahārāṣhṭr mājhā, garjā mahārāṣhṭr mājhā
revā vardā, kṛṣhṇ koynā, bhadrā godāvrī
ekapṇāche bhartī pāṇī mātīchyā ghāgrī
bhīmathḍīchyā taṭṭāṅnā yā yamuneche pāṇī pājā
jay jay mahārāṣhṭr mājhā ...
bhītī na āmhā tujhī muḻī hī gaḍgaḍṇāryā nabhā
asmānāchyā sultānīlā javāb detī jībhā
sahyādrīchā siṅh garjto, śhivaśhaṅbhū rājā
darīdrītūn nād guṅjlā mahārāṣhṭr mājhā
kāḻyā chhātīvrī korlī abhimānāchī leṇī
polādī managṭe kheḻtī kheḻ jīvgheṇī
dāridryāchyā unhāt śhijlā, niḍhḻāchyā ghāmāne bhijlā
deśhgaurvāsāṭhī jhijlā
dillīchehī takht rākhito, mahārāṣhṭr mājhā