Vala kilunni kaalttala kilunni

വള കിലുങ്ങി കാല്‍ത്തള കിലുങ്ങി
വരുകയായി വരുകയായി
വനദേവത ഞാന്‍...

സോമഗിരിയുടെ താഴ്‌വരയില്‍
ഹേമനദിയുടെ പൂമടിയില്‍
ചന്ദനക്കല്ലുകൊണ്ടു ഞാനൊരു
മന്ദിരം തീര്‍ത്തു...
ഈ വികാരനിലയത്തില്‍
ഈ വിശുദ്ധമുഹൂര്‍ത്തത്തില്‍
നീ ഗാന്ധര്‍വ്വമംഗല്യമാല്യമെന്നെ
അണിയിച്ചാലും, എന്നെയണിയിച്ചാലും

(വള...)

പൊന്നശോകപ്പൂവനത്തില്‍
എന്റെ നന്ദനപ്പൂവനത്തില്‍
തേരില്‍ വന്നു കാമദേവാ
ഇറങ്ങിയാലും...
നിന്റെ സരസകഥാകൃതങ്ങള്‍
നിന്റെ ഹിതസുഖലാളനങ്ങള്‍
ഇന്നെന്റെ മെയ്യില്‍ രോമാഞ്ചം
വിതച്ചീടുന്നൂ, ആഹാ വിതച്ചീടുന്നൂ

(വള...)