Malavillin kottaarattil

മഴവില്ലിന്‍ കൊട്ടാരത്തില്‍
മണിമേഘത്താളം തട്ടി ശൃംഗാരം
ഇളമാറില്‍ ചന്ദനമണിയും
കാശ്മീരപ്പെണ്‍കൊടി തേടി അനുരാഗം
(മഴവില്ലിന്‍)

ഒരു ഡാല്‍ത്തടാകമാണെന്റെ ഹൃദയം
അതില്‍ നീ ഒഴുകും ഡാഫോഡില്‍
ഒരു താജ്മഹാളിനഴകിന്നു മുന്നില്‍
യമുനാനദിയെന്‍ അഭിലാഷം
പെയ്യുന്നു മരുഭൂവില്‍ സിന്ദൂരപ്പൂവോ
കുളിരുന്നു വാസന്തം പൂന്തെന്നല്‍ക്കൈകളില്‍
ഇതു നാം തേടും സോമരസം
(മഴവില്ലിന്‍)

ഇനിയെന്തുവേണം ഇനിയെന്തുവേണം
പകരം നീ ഇന്നെന്തു തരും?
ഈ പ്രേമരാത്രി പുലരാതിരുന്നാല്‍
എല്ലാമെല്ലാം പകര്‍ന്നു തരും
കണ്മുനയില്‍ പരിഭവമോ നക്ഷത്രപ്പൂക്കളോ
കണ്ണാടിക്കവിളത്ത് ചെമ്പവിഴച്ചന്തമോ
പറയൂ നീയെന്‍ കാമനയോ
(മഴവില്ലിന്‍)