katrā katrā miltī hai
katrā katrā jīne do
jiṅdgī hai, bahne do
pyāsī hūṇ maiṅ, pyāsī rahne do
rahne do nā.. ..
kal bhī to kuchh aisā hī huā thā
nīṅd meṅ thī tumne jab chhuā thā
girte girte bāhoṅ meṅ bachī maiṅ
sapne pe pāṇv paṛ gayā thā
sapnoṅ meṅ bahne do
pyāsī hūṇ maiṅ, pyāsī rahne do
rahne do nā.. ..
tum ne to ākāśh bichhāyā
mere naṅge pairoṅ meṅ jamīn hai
pāke bhī tumhārī ārjū hai
śhāyad aisī ziṅdgī hasīṅ hai
ārjū meṅ bahne do
pyāsī hūṇ maiṅ, pyāsī rahne do
rahne do nā.. ..
halke halke kohre ke dhue meṅ
śhāyad āsmāṅ tak ā gayī hūṇ
terī do nigāhoṅ ke sahāre
dekho to kahāṇ tak ā gayī hūṇ
kohre meṅ bahne do
pyāsī hūṇ maiṅ, pyāsī rahne do
rahne do nā.. ..