राजहंस सांगतो किर्तीच्या तुझ्या कथा
हृदयी प्रीत जागते जाणता, अजाणता
पाहिले तुला न मी, तरीही नित्य पाहते
लाजुनी मनोमनी, उगीच धूंद राहते
ठाउका न मजसी जरी निषध देश कोणता
दिवस रात्र ओढणी या मनास लागते
तुझीच जाहल्या परी, मी सदैव वागते
मैत्रिणीस सांगते तुझी अमोल योग्यता
निमंत्रणाविना पुन्हा हंस येई तो वनी
नादचित्र रेखितो तुझेच मंद कूजनी
वेड वाढवून तो उडून जाय मागुता
rājahaṅs sāṅgto kirtīchyā tujhyā kathā
hṛdyī prīt jāgte jāṇtā, ajāṇtā
pāhile tulā na mī, tarīhī nity pāhte
lājunī manomnī, ugīch dhūṅd rāhte
ṭhāukā na majsī jarī niṣhadh deśh koṇtā
divas rātr oḍhṇī yā manās lāgte
tujhīch jāhalyā parī, mī sadaiv vāgte
maitriṇīs sāṅgte tujhī amol yogytā
nimaṅtrṇāvinā punhā haṅs yeī to vanī
nādchitr rekhito tujhech maṅd kūjnī
veḍ vāḍhvūn to uḍūn jāy māgutā