हे जीवन सुंदर आहे, हे जीवन सुंदर आहे
नितळ निळाई आकाशाची अन् क्षितिजाची लाली
दंवात भिजल्या वाटेवरती किरणांची रांगोळी
अहो, आता विसरा हे सगळं,
इथं इमारतींच्या जंगलातला वनवास
त्यातून दिसणारं टीचभर आकाश
आणि गर्दीत घुसमटलेले रस्त्यांचे श्वास
कोठेही जा अवतीभवती निसर्ग एकच आहे
हे जीवन सुंदर आहे, हे जीवन सुंदर आहे
पानांमधली सळसळ हिरवी अन् किलबील पक्षांची
झुळझुळ पाणी वेळुमधुनी खुळी शीळ वार्याची
इथं गाणं लोकलचं
पाणी तुंबलेल्या नळाचं
आणि वारं डोक्यावर गरगरणार्या पंख्यांचं
इथेतिथे संगीत अनामिक एकच घुमते आहे
हे जीवन सुंदर आहे, हे जीवन सुंदर आहे
पाऊस झिमझिमणारा आणि पाऊस कोसळणारा
टपटप पागोळ्यांतून अपुल्या ओंजळीत येणारा
पाऊस म्हणजे रेनकोटचं ओझं
कपड्यांचा सत्यनाश आणि सर्दीला निमंत्रण
जगण्यावरचे प्रेम जणु हे धुंद बरसते आहे
हे जीवन सुंदर आहे, हे जीवन सुंदर आहे
he jīvan suṅdar āhe, he jīvan suṅdar āhe
nitaḻ niḻāī ākāśhāchī an kṣhitijāchī lālī
daṅvāt bhijalyā vāṭevartī kirṇāṅchī rāṅgoḻī
aho, ātā visrā he sagaḻṅ,
ithaṅ imārtīṅchyā jaṅglātlā vanvās
tyātūn disṇāraṅ ṭīchabhar ākāśh
āṇi gardīt ghusmaṭlele rastyāṅche śhvās
koṭhehī jā avtībhavtī nisarg ekach āhe
he jīvan suṅdar āhe, he jīvan suṅdar āhe
pānāṅmadhlī saḻsaḻ hirvī an kilbīl pakṣhāṅchī
jhuḻjhuḻ pāṇī veḻumdhunī khuḻī śhīḻ vāryāchī
ithaṅ gāṇaṅ lokalchaṅ
pāṇī tuṅblelyā naḻāchaṅ
āṇi vāraṅ ḍokyāvar gargarṇāryā paṅkhyāṅchaṅ
ithetithe saṅgīt anāmik ekach ghumte āhe
he jīvan suṅdar āhe, he jīvan suṅdar āhe
pāūs jhimjhimṇārā āṇi pāūs kosaḻṇārā
ṭapṭap pāgoḻyāṅtūn apulyā oṅjḻīt yeṇārā
pāūs mhaṇje renkoṭchaṅ ojhaṅ
kapaḍyāṅchā satynāśh āṇi sardīlā nimaṅtraṇ
jagaṇyāvarche prem jaṇu he dhuṅd baraste āhe
he jīvan suṅdar āhe, he jīvan suṅdar āhe