tāj tere liye ik mazhar-e-ulfat hī sahī
tum ko is vādī-e-raṅgīṅ se aqīdat hī sahī
mere mahbūb kahīṅ aur milā kar mujh se
bazam-e-śhāhī meṅ ġharīboṅ kā guzar kyā mānī
sabt jis rāh pe hoṅ satavat-e-śhāhī ke niśhāṇ
us pe ulfat bharī rūhoṅ kā safar kyā mānī
merī mahbūb pas-e-pad.rā-e-taśhhīr-e-vafā
tū ne satavat ke niśhānoṅ ko to dekhā hotā
mud.rā śhāhoṅ ke maqābir se bahalne vālī
apne tārīk makānoṅ ko to dekhā hotā
anginat logoṅ ne duniyā meṅ muhabbat kī hai
kaun kahtā hai ki sādiq na the jazbe un ke
lekin un ke liye taśhhīr kā sāmān nahīṅ
kyoṅ ke vo log bhī apnī hī tarah muflis the
ye imārāt-o-maqābir ye fasīleṅ, ye hisār
mutal-qulhukma śhahaṅśhāhoṅ kī azmat ke sutūṇ
dāman-e-dahar pe us raṅg kī gulkārī hai
jis meṅ śhāmil hai tere aur mere ajdād kā khūṇ
merī mahbūb! unheṅ bhī to muhabbat hogī
jinkī sannāī ne bakhśhī hai ise śhakla-e-jamīl
un ke pyāroṅ ke maqābir rahe benām-o-namūd
āj tak un pe jalāī na kisī ne qaṅdīl
ye chamnazār ye jamunā kā kinārā ye mahal
ye munaqqaśh dar-o-dīvār, ye mahrāb ye tāq
ik śhahanśhāh ne daulat kā sahārā le kar
ham ġharīboṅ kī muhabbat kā uṛāyā hai mazāk
mere mahbūb kahīṅ aur milā kar mujhse