എവിടെ എൻ അഷ്ടമിത്തിങ്കളെവിടെ
മുകിലേ എൻ ചന്ദന താരകമെവിടെ
എൻ പ്രണയ നിശീഥിനിയെവിടെ
(എവിടേ...)
പുഴയിലെ കുഞ്ഞോളം പൊൻ വല ചാർത്തീട്ടും
നീ എന്നെ അറിഞ്ഞില്ലയോ
കാറ്റൊന്നും പറഞ്ഞില്ല പുഴയൊന്നും മിണ്ടീല
നീയിന്നെവിടെയെന്നറിഞ്ഞീല
രാപ്പൂക്കൾ വിരിഞ്ഞില്ലേ
രാമഴ പൊഴിഞ്ഞില്ലേ
ഈ നിശാശലഭങ്ങൾ പറന്നില്ലേ
(എവിടെ....)
മിന്നാമിനുങ്ങിന്നു മൂക്കുത്തി ചാർത്തില്ലേ
ആമ്പൽ കുരുന്നു വിടർന്നില്ലേ
കണ്ടിരുന്നു ഞാൻ കേട്ടിരുന്നൂ ഞാൻ
എല്ലാമറിഞ്ഞിരുന്നൂ
പ്രണയനിലാവേ നിന്നിൽ വീണലിയാൻ
ആയിരുന്നെന്നുമെൻ മോഹം
(എവിടെ...)