ఎన్ని నేరుచుకొంటివే యివీఁ గొన్ని
(॥పల్లవి॥)
ఎన్ని నేరుచుకొంటివే యివీఁ గొన్ని
పన్నుకొన్న జాడలు పచ్చిదేరె నిపుడు
(॥ఎన్ని॥)
చెలిమైతేఁ జెటెఁడేసి చిగిరునవ్వు మూటెఁడేసి
జలిమి నెంత చల్లేవే పతి మీఁదను
వలపులు గంపెఁడేసి వాడికలు గుంపెఁడేసి
వెల పరచ వచ్చేవు వింతలే నీ సుద్దులు
(॥ఎన్ని॥)
తాలిములు మూరెఁడేసి తలఁపులు బారఁడేసి
గారి గఁటు వేసేవే కమ్మటి నీవు
మేలములు బండెఁడేసి మెచ్చులైతే కుండెఁడేసి
చేలలో వెదవెట్టేవు చెల్లునే నీ చేఁతలు
(॥ఎన్ని॥)
సంగాతాలు పట్టెఁడేసి సణఁగులు గొట్టెఁడేసి
జంగిలేల కల పేవే సారె సారెకు
అంగవించి శ్రీవేంకటాద్రీశుఁడు నన్ను నేలె
యెంగిలి పొత్తేల కూడే వీతనితో నీవు
(||pallavi||)
ĕnni nerusugŏṁṭive yivīm̐ gŏnni
pannugŏnna jāḍalu pachchiderĕ nibuḍu
(||ĕnni||)
sĕlimaidem̐ jĕḍĕm̐ḍesi sigirunavvu mūḍĕm̐ḍesi
jalimi nĕṁta salleve padi mīm̐danu
valabulu gaṁpĕm̐ḍesi vāḍigalu guṁpĕm̐ḍesi
vĕla parasa vachchevu viṁtale nī suddulu
(||ĕnni||)
tālimulu mūrĕm̐ḍesi talam̐pulu bāram̐ḍesi
gāri gam̐ṭu veseve kammaḍi nīvu
melamulu baṁḍĕm̐ḍesi mĕchchulaide kuṁḍĕm̐ḍesi
selalo vĕdavĕṭṭevu sĕllune nī sem̐talu
(||ĕnni||)
saṁgādālu paṭṭĕm̐ḍesi saṇam̐gulu gŏṭṭĕm̐ḍesi
jaṁgilela kala peve sārĕ sārĕgu
aṁgaviṁchi śhrīveṁkaḍādrīśhum̐ḍu nannu nelĕ
yĕṁgili pŏttela kūḍe vīdanido nīvu