एका तळ्यात होती, बदके पिले सुरेख
होते कुरुप वेडे, पिल्लू तयांत एक
कोणी न त्यास घेई, खेळावयास संगे
सर्वाहूनी निराळे ते वेगळे तरंगे
दावूनि बोट त्याला, म्हणती हसून लोक
आहे कुरुप वेडे, पिल्लू तयांत एक
पिल्लास दुःख भारी, भोळे रडे स्वतःशी
भावंड ना विचारी, सांगेल ते कुणाशी ?
जे ते तयास टोची, दावी उगाच धाक
आहे कुरुप वेडे, पिल्लू तयांत एक
एके दिनी परंतू, पिल्लास त्या कळाले
भय वेड पार त्याचे, वार्यासवे पळाले
पाण्यात पाहताना, चोरुनिया क्षणैक
त्याचेच त्या कळाले, तो राजहंस एक
ekā taḻyāt hotī, badke pile surekh
hote kurup veḍe, pillū tayāṅt ek
koṇī na tyās gheī, kheḻāvyās saṅge
sarvāhūnī nirāḻe te vegḻe taraṅge
dāvūni boṭ tyālā, mhaṇtī hasūn lok
āhe kurup veḍe, pillū tayāṅt ek
pillās duḥakh bhārī, bhoḻe raḍe svatḥaśhī
bhāvaṅḍ nā vichārī, sāṅgel te kuṇāśhī ?
je te tayās ṭochī, dāvī ugāch dhāk
āhe kurup veḍe, pillū tayāṅt ek
eke dinī paraṅtū, pillās tyā kaḻāle
bhay veḍ pār tyāche, vāryāsve paḻāle
pāṇyāt pāhtānā, choruniyā kṣhṇaik
tyāchech tyā kaḻāle, to rājahaṅs ek