एक धागा सुखाचा, शंभर धागे दुःखाचे
जरतारी हे वस्त्र माणसा तुझिया आयुष्याचे
पांघरसी जरि असला कपडा
येसी उघडा जासी उघडा
कपड्यासाठी करिसी नाटक तीन प्रवेशांचे
मुकी अंगडी बालपणाची
रंगित वसने तारुण्याची
जीर्ण शाल मग उरे शेवटी लेणे वार्धक्याचे
या वस्त्राते विणतो कोण
एकसारखी नसती दोन
कुणा न दिसले त्रिखंडात त्या हात विणकऱ्याचे
ek dhāgā sukhāchā, śhaṅbhar dhāge duḥakhāche
jartārī he vastr māṇsā tujhiyā āyuṣhyāche
pāṅgharsī jari aslā kapḍā
yesī ughḍā jāsī ughḍā
kapaḍyāsāṭhī karisī nāṭak tīn prveśhāṅche
mukī aṅgḍī bālapṇāchī
raṅgit vasne tāruṇyāchī
jīrṇ śhāl mag ure śhevṭī leṇe vārdhakyāche
yā vastrāte viṇto koṇ
eksārkhī nastī don
kuṇā na disle trikhaṅḍāt tyā hāt viṇkaऱyāche