दूरदेशी गेला बाबा, गेली कामावर आई
नीज दाटली डोळ्यांत तरी घरी कुणी नाही
कसा चिमणासा जीव, कसाबसा रमवला
चार भिंतीत धावून दिसभरं दमवला
आता पुरे, झोप सोन्या कुणी म्हणतच नाही
नीज दाटली डोळ्यांत तरी घरी कुणी नाही
कशासाठी कोण जाणे देती शाळेमध्ये सुट्टी
कोणी बोलायाला नाही, कशी व्हावी कट्टी-बट्टी
खेळ ठेवले मांडून परि खेळगडी नाही
नीज दाटली डोळ्यांत तरी घरी कुणी नाही
दिसे खिडकीमधून जग सारे, दिशा दाही
दार उघडून परि तिथे धावायचे नाही
फार वाटे जावे परि मुठीमध्ये बोट नाही
नीज दाटली डोळ्यांत तरी घरी कुणी नाही
दूरदेशी गेला बाबा, गेली कामावर आई
Work
Language
dūrdeśhī gelā bābā, gelī kāmāvar āī
nīj dāṭlī ḍoḻyāṅt tarī gharī kuṇī nāhī
kasā chimṇāsā jīv, kasābsā ramavlā
chār bhiṅtīt dhāvūn disbharaṅ damavlā
ātā pure, jhop sonyā kuṇī mhṇatach nāhī
nīj dāṭlī ḍoḻyāṅt tarī gharī kuṇī nāhī
kaśhāsāṭhī koṇ jāṇe detī śhāḻemadhye suṭṭī
koṇī bolāyālā nāhī, kaśhī vhāvī kaṭṭī-baṭṭī
kheḻ ṭhevle māṅḍūn pari kheḻgḍī nāhī
nīj dāṭlī ḍoḻyāṅt tarī gharī kuṇī nāhī
dise khiḍkīmdhūn jag sāre, diśhā dāhī
dār ughḍūn pari tithe dhāvāyche nāhī
phār vāṭe jāve pari muṭhīmadhye boṭ nāhī
nīj dāṭlī ḍoḻyāṅt tarī gharī kuṇī nāhī