albele din pyāre, mere bichhaṛe sāthī sāre
hāy! kahāṇ gaye, hāy! kahāṇ gaye
koī lauṭā de mere, bīte hue din - (2)
bīte hue din vo hāy, pyāre pal chhin
koī lauṭā de …
maiṅ akelā to nā thā, the mere sāthī kaī
ek āṇdhī sī uṭhī, jo bhī thā leke gaī
āj maiṅ ḍhūṇḍhūṅ kahāṇ, kho gaye jāne kidhar - 2
bīte hue din vo hāy, pyāre pal chhin
koī lauṭā de …
mere khvāboṅ ke nagar, mere sapnoṅ ke śhahar
pī liyā jinke liye, maiṅne jīvan kā zahar
aise bhī din the kabhī, merī duniyā thī merī - 2
bīte hue din vo hāy, pyāre pal chhin
koī lauṭā de …
