दिल्या घेतल्या वचनांची, शपथ तुला आहे
मनांतल्या मोरपिसाची, शपथ तुला आहे
बकुळीच्या झाडाखाली, निळ्या चांदण्यात
हृदयाची ओळख पटली, सुगंधी क्षणांत
त्या सगळया बकुळ फुलांची, शपथ तुला आहे
शुभ्रफुले वेचित रचिला, चांद तू जुईचा
म्हणालीस, चंद्रोत्सव हा सावळया भुईचा
फुलातल्या त्या चंद्राची, शपथ तुला आहे
भुरभुरता पाऊस होता, सोनिया उन्हात
गवतातून चालत होतो, मोहूनी मनात
चुकलेल्या त्या वाटेची, शपथ तुला आहे
हळूहळू काजळताना सांज ही सुरंगी
तुझे भास दाटूनी येती, असे अंतरंगी
या उदास आभाळाची, शपथ तुला आहे
dilyā ghetalyā vachnāṅchī, śhapath tulā āhe
manāṅtalyā morpisāchī, śhapath tulā āhe
bakuḻīchyā jhāḍākhālī, niḻyā chāṅdaṇyāt
hṛdyāchī oḻkh paṭlī, sugaṅdhī kṣhṇāṅt
tyā sagaḻyā bakuḻ phulāṅchī, śhapath tulā āhe
śhubhrphule vechit rachilā, chāṅd tū juīchā
mhṇālīs, chaṅdrotsav hā sāvaḻyā bhuīchā
phulātalyā tyā chaṅdrāchī, śhapath tulā āhe
bhurbhurtā pāūs hotā, soniyā unhāt
gavtātūn chālat hoto, mohūnī manāt
chuklelyā tyā vāṭechī, śhapath tulā āhe
haḻūhḻū kājaḻtānā sāṅj hī suraṅgī
tujhe bhās dāṭūnī yetī, ase aṅtaraṅgī
yā udās ābhāḻāchī, śhapath tulā āhe