दाटून कंठ येतो, ओठांत येई गाणे
जा आपुल्या घरी तू, जा लाडके सुखाने
हातात बाळपोथी, ओठांत बाळभाषा
रमलो तुझ्यासवे मी गिरिवत श्रीगणेशा
वळवून अक्षरांना केले तुला शहाणे
जातो सुखावुनि मी या गोड आठवाने
बोलात बोबडीच्या संगीत जागविले
लय ताल सूर लेणे, सहजीच लेवविले
एकेक सूर यावा न्हाऊन अमृताने
अवघ्याच जीवनाचे व्हावे सुरेल गाणे
घेऊ कसा निरोप, तुटतात आत धागे
हा देह दूर जाता मन राहणार मागे
धन आत्मजा दुजाचे ज्याचे तयास देणे
परक्या परी आता मी येथे फिरुनी येणे
dāṭūn kaṅṭh yeto, oṭhāṅt yeī gāṇe
jā āpulyā gharī tū, jā lāḍke sukhāne
hātāt bāḻpothī, oṭhāṅt bāḻbhāṣhā
ramlo tujhyāsve mī girivat śhrīgṇeśhā
vaḻvūn akṣhrāṅnā kele tulā śhahāṇe
jāto sukhāvuni mī yā goḍ āṭhvāne
bolāt bobḍīchyā saṅgīt jāgvile
lay tāl sūr leṇe, sahjīch levvile
ekek sūr yāvā nhāūn amṛtāne
avaghyāch jīvnāche vhāve surel gāṇe
gheū kasā nirop, tuṭtāt āt dhāge
hā deh dūr jātā man rāhṇār māge
dhan ātmjā dujāche jyāche tayās deṇe
parakyā parī ātā mī yethe phirunī yeṇe