jhan jhan jhan jhan pāyal bāje
kaise jāūṇ pī se milan ko -2
lāj kī mārī marūṇ, kaun jatan karūṇ
rāmā jhan-jhan jhan-jhan pāyal …
pār jigar ke, bāṇ virah kā, kājar kārī rain
ut kajrāre badrā barse, it barse more nain
pāṇv meṅ beṛī lāj kī, taṛap taṛap rah jāūṇ
maiṅ duniyā kī rīt nibhāūṇ, yā maiṅ prīt nibhāūṇ
rāmā jhan-jhan jhan-jhan pāyal …
ġham se bharā dil, bojhā bhārī, ham se chalā nā jāye
kadam kadam morī chunrī uljhe aur kāṇṭā lag jāye
āṅchal meṅ ik dīp chhupāye
niklī jogan ghar se, piyā kī, niklī jogan ghar se
āyā pavan jhakorā, dīpak thar-thar kāṇpe ḍar se
niklī jogan ghar se, piyā kī, niklī jogan ghar se
jhan-jhan jhan-jhan jhan-jhan jhan-jhan
rāmā jhan-jhan jhan-jhan pāyal bāje
jhan-jhan jhan-jhan jhan-jhan jhan-jhan
jhan-jhan jhan-jhan jhan-jhan pāyal bāje bāje bāje
