बगळ्यांची माळ फुले अजुनी अंबरात
भेट आपुली स्मरशी काय तू मनात
छेडीती पानांत बीन थेंब पावसाचे
ओल्या रानात खुले ऊन अभ्रकाचे
मनकवडा घन घुमतो दूर डोंगरात
त्या गाठी, त्या गोष्टी, नारळीच्या खाली
पौर्णिमाच तव नयनी भर दिवसा झाली
रिमझिमते अमृत ते विकल अंतरात
हातांसह सोन्याची सांज गुंफताना
बगळ्यांचे शुभ्र कळे मिळुनी मोजताना
कमळापरी मिटती दिवस उमलुनी तळ्यात
तू गेलीस तोडूनी ती माळ, सर्व धागे
फडफडणे पंखाचे शुभ्र उरे मागे
सलते ती तडफड का कधी तुझ्या उरात
बगळ्यांची माळ फुले
Work
Language
bagaḻyāṅchī māḻ phule ajunī aṅbrāt
bheṭ āpulī smarśhī kāy tū manāt
chheḍītī pānāṅt bīn theṅb pāvsāche
olyā rānāt khule ūn abhrkāche
mankavḍā ghan ghumto dūr ḍoṅgrāt
tyā gāṭhī, tyā goṣhṭī, nārḻīchyā khālī
paurṇimāch tav naynī bhar divsā jhālī
rimjhimte amṛt te vikal aṅtrāt
hātāṅsah sonyāchī sāṅj guṅphtānā
bagaḻyāṅche śhubhr kaḻe miḻunī mojtānā
kamḻāprī miṭtī divas umlunī taḻyāt
tū gelīs toḍūnī tī māḻ, sarv dhāge
phaḍaphaḍṇe paṅkhāche śhubhr ure māge
salte tī taḍaphaḍ kā kadhī tujhyā urāt