O priyaa suno priyaa mere nainon men raho

ā ā
o priyā suno priyā suno priyā suno priyā
o priyā suno priyā mere nainoṅ meṅ raho priyā
sapne jo dekhe haiṅ maine tum bhī to dekho priyā
o priyā …

bahkī huī havāeṅ kahtī haiṅ ham bhī gāeṅ
pyār ke jo gīt haiṅ
bahtā nadī kā pānī kahtā hai ye kahānī
janmoṅ ke ham mīt haiṅ hāy
o priyā suno priyā jab bhī maiṅ janmūṅ ye ho priyā
jāūṅ kisī bhī diśhā meṅ
pāūṅ tumhī ko priyā ho priyā
o priyā …

kitnā madhur hai jīvan kitnā samay hai pāvan
khoe haiṅ ham chāh meṅ
kitnī śhāṅt haiṅ ghaṛiyāṅ kitnī kuṅvārī kaliyāṅ
khil rahī haiṅ rāh meṅ hāy
o priyā suno priyā chāheṅ koī rut bhī ho priyā
mahkī raheṅ prem kaliyāṅ
aur tum mahko priyā o priyā
o priyā …