अरे खोप्यामधी खोपा
सुगरणीचा चांगला
देखा पिल्लासाठी तिनं
झोका झाडाले टांगला
पिल्लं निजली खोप्यात
जसा झुलता बंगला
तिचा पिलामधी जीव
जीव झाडाले टांगला
सुगरीण सुगरीण
अशी माझी रे चतुर
तिले जल्माचा सांगती मिये
गण्या गंप्या नर
खोपा इनला इनला
जसा गिलक्याचा कोसा
पाखराची कारागिरी
जरा देख रे माणसा
तिची उलूशीच चोच
तेच दात, तेच ओठ
तुले दिले रे देवानं
दोन हात, दहा बोटं
अरे खोप्यामधी खोपा सुगरणीचा चांगला
Work
Language
are khopyāmdhī khopā
sugarṇīchā chāṅglā
dekhā pillāsāṭhī tinaṅ
jhokā jhāḍāle ṭāṅglā
pillaṅ nijlī khopyāt
jasā jhultā baṅglā
tichā pilāmdhī jīv
jīv jhāḍāle ṭāṅglā
sugrīṇ sugrīṇ
aśhī mājhī re chatur
tile jalmāchā sāṅgtī miye
gaṇyā gaṅpyā nar
khopā inlā inlā
jasā gilakyāchā kosā
pākhrāchī kārāgirī
jarā dekh re māṇsā
tichī ulūśhīch choch
tech dāt, tech oṭh
tule dile re devānaṅ
don hāt, dahā boṭṅ