Sangama mangala mandravumaayi

സംഗമ മംഗള മന്ത്രവുമായി
പൂവണിയും അനുരാഗം
അഞ്ജിത യൌവനകല്‍പ്പനയൊന്നില്‍
മുങ്ങിവരും അഭിലാഷം
എന്‍ ഹൃദന്തം ഒരു തടാകം
അതില്‍ നീരാടും ഒരു ഹംസം നീ

കാറ്റോലും തീരങ്ങള്‍ താലങ്ങള്‍ ഏന്തുന്നു
ചേക്കേറും മേഘങ്ങള്‍ വര്‍ണ്ണങ്ങള്‍ പെയ്യുന്നു
നീ വന്നു ചേരവേ നിന്‍ മൌനം മാറവേ
ഞാന്‍ നിന്നില്‍ ചാര്‍ത്തുന്നു എന്നാത്മഹാരം
എന്നുടെ ചിന്തയില്‍ മുത്തുകള്‍ വിതറിയതെങ്ങനെയെങ്ങനെയെങ്ങനെ നീ
നിന്നിലെ സ്പന്ദനം എന്നിലുണര്‍ത്തിയതെങ്ങനെയെങ്ങനെയെങ്ങനെ നീ
ഒരു വികാരം അതിന്‍ വിലാസം
ഒരു രോമാഞ്ചം അതിനാലസ്യം

നിന്‍ കണ്ണിന്നാഴത്തില്‍ മോഹങ്ങള്‍ താഴുന്നു
നിന്‍ നെഞ്ചിന്‍ താപത്തില്‍ ദാഹങ്ങള്‍ കൂടുന്നു
നീയെന്നെ പുല്‍കവെ നീയെന്നില്‍ പൂകവേ
ഞാന്‍ നിന്നില്‍ ചാര്‍ത്തുന്നു എന്‍ ജീവരാഗം
നിന്നുടെ ഇത്തിരി ലജ്ജയില്‍ വിടരുവതെന്നിനി എന്നിനിയെന്നിനി ഞാന്‍
നിന്നുടെ നിസ്തുല നിര്‍വൃതി അറിയുവതെന്നിനിയെന്നിനിയെന്നിനി ഞാന്‍
ഒരു വികാരം അതിന്‍ വിലാസം
ഒരു രോമാഞ്ചം അതിന്നാലസ്യം...