Vaamde vemkadaadrimeemda paradaivamu

Title (Indic)	వాఁడె వేంకటాద్రిమీఁద పరదైవము
Work	Annamayya songs
Language	Telugu

Credits
Role	Artist
Writer	Annamacharya

Lyrics

Telugu

(॥పల్లవి॥)
వాఁడె వేంకటాద్రిమీఁద పరదైవము
పోఁడిమితోఁ బొడచూపెఁ బొడవైన దైవము

(॥వాడె॥)
వొక్కొక్క రోమకూపాన నొగి బ్రహ్మాండకోట్లు
పిక్కటిల్ల వెలుఁగొందే పెను దైవము
పక్కినను తనలోని పదునాలుగు లోకాలు
తొక్కి పాదానఁ గొలచే దొడ్డ దైవము

(॥వాడె॥)
వేద శాస్త్రాలు నుతించి వేసరి కానఁగలేని
మోదపు పెక్కుగుణాల మూలదైవము
పోది దేవతలనెల్లఁ బుట్టించ రక్షించ
ఆదికారణంబైన అజుఁగన్న దైవము

(॥వాడె॥)
సరుస శంఖచక్రాలు సరిఁబట్టి యసురల
తరగి పడవేసిన దండి దయివమూ
సిరి వురమున నించి శ్రీవేంకటేశుండయి
శరణాగతులఁగాచే సతమయిన దయివము

English

(||pallavi||)
vām̐ḍĕ veṁkaḍādrimīm̐da paradaivamu
pom̐ḍimidom̐ bŏḍasūbĕm̐ bŏḍavaina daivamu

(||vāḍĕ||)
vŏkkŏkka romagūbāna nŏgi brahmāṁḍagoṭlu
pikkaḍilla vĕlum̐gŏṁde pĕnu daivamu
pakkinanu tanaloni padunālugu logālu
tŏkki pādānam̐ gŏlase dŏḍḍa daivamu

(||vāḍĕ||)
veda śhāstrālu nudiṁchi vesari kānam̐galeni
modabu pĕkkuguṇāla mūladaivamu
podi devadalanĕllam̐ buṭṭiṁcha rakṣhiṁcha
ādigāraṇaṁbaina ajum̐ganna daivamu

(||vāḍĕ||)
sarusa śhaṁkhasakrālu sarim̐baṭṭi yasurala
taragi paḍavesina daṁḍi dayivamū
siri vuramuna niṁchi śhrīveṁkaḍeśhuṁḍayi
śharaṇāgadulam̐gāse sadamayina dayivamu

You are here

Lyrics

Lyrics search

Other songs