Saalu nimka niduvamti samsaaramu maruni

Title (Indic)	చాలు నింక నిటువంటి సంసారము మరుని
Work	Annamayya songs
Language	Telugu

Credits
Role	Artist
Writer	Annamacharya

Lyrics

Telugu

(॥పల్లవి॥)
చాలు నింక నిటువంటి సంసారము మరుని
పాలైతి నిపు డింటి భాగ్యమిది నాకు

(॥చాలు॥)
తనియు కిటు నీవు గాంతల నెల్లనా యెదుట
గొనియాడ దొరకొంటి కొంకులేక
వినియుఁ బ్రాణము తోడ విషమైన యీకూడు
దినఁజేరినది యేఁటి దేహ మిది నాకు

(॥చాలు॥)
వెఱవ కిటు సతుల నీ వెను వెంటఁ బెట్టుకొని
మెఱయ దొరకొంటివిదె మేరలేక
యెఱిఁగియునుఁ దీపనుచు నిట్టి నీ మన్ననల
చెఱఁబెట్టినది యేఁటి జీవమిది నాకు

(॥చాలు॥)
ఎక్కువగు నీతరుణు లిందరిని నాకిట్ల
మ్రొక్కించ దొరకొంటి మొఱఁగు లేక
గ్రక్కునను నన్ను వేంకటగిరీశ్వర కలసి
చిక్కనైతివి చాలుఁ జిన్నమిది నాకు

English

(||pallavi||)
sālu niṁka niḍuvaṁṭi saṁsāramu maruni
pālaidi nibu ḍiṁṭi bhāgyamidi nāgu

(||sālu||)
taniyu kiḍu nīvu gāṁtala nĕllanā yĕduḍa
gŏniyāḍa dŏragŏṁṭi kŏṁkulega
viniyum̐ brāṇamu toḍa viṣhamaina yīgūḍu
dinam̐jerinadi yem̐ṭi deha midi nāgu

(||sālu||)
vĕṟava kiḍu sadula nī vĕnu vĕṁṭam̐ bĕṭṭugŏni
mĕṟaya dŏragŏṁṭividĕ meralega
yĕṟim̐giyunum̐ dībanusu niṭṭi nī mannanala
sĕṟam̐bĕṭṭinadi yem̐ṭi jīvamidi nāgu

(||sālu||)
ĕkkuvagu nīdaruṇu liṁdarini nāgiṭla
mrŏkkiṁcha dŏragŏṁṭi mŏṟam̐gu lega
grakkunanu nannu veṁkaḍagirīśhvara kalasi
sikkanaidivi sālum̐ jinnamidi nāgu

You are here

Lyrics

Lyrics search

Other songs