अखेरचे येतील माझ्या हेच शब्द ओठी
लाख चुका असतील केल्या, केली पण प्रीती
इथे सुरु होण्याआधी, संपते कहाणी
साक्षीला केवळ उरते, डोळ्यांतील पाणी
जखम उरी होते ज्यांच्या, तेच गीत गाती
सर्व बंध तोडूनी जेव्हा नदी धुंद धावे
मीलन वा मरण पुढे, हे तिला नसे ठावे
एकदाच आभाळाला अशी भिडे माती
गंध दूर ज्याचा, आणिक जवळ मात्र काटे
असे फुल प्रीती म्हणजे कधी हाय वाटे
तरी गंध धुंडीत धावे जीव तुझ्यासाठी
आर्त गीत आले जर हे कधी तुझ्या कानी
गूज अंतरीचे कथिले तुला ह्या स्वरांनी
डोळ्यांतून माझ्यासाठी लाव दोन ज्योती
akherche yetīl mājhyā hech śhabd oṭhī
lākh chukā astīl kelyā, kelī paṇ prītī
ithe suru hoṇyāādhī, saṅpte kahāṇī
sākṣhīlā kevaḻ urte, ḍoḻyāṅtīl pāṇī
jakham urī hote jyāṅchyā, tech gīt gātī
sarv baṅdh toḍūnī jevhā nadī dhuṅd dhāve
mīlan vā maraṇ puḍhe, he tilā nase ṭhāve
ekdāch ābhāḻālā aśhī bhiḍe mātī
gaṅdh dūr jyāchā, āṇik javaḻ mātr kāṭe
ase phul prītī mhaṇje kadhī hāy vāṭe
tarī gaṅdh dhuṅḍīt dhāve jīv tujhyāsāṭhī
ārt gīt āle jar he kadhī tujhyā kānī
gūj aṅtrīche kathile tulā hyā svrāṅnī
ḍoḻyāṅtūn mājhyāsāṭhī lāv don jyotī