Raagodayam

രാഗോദയം മിഴിയില്‍ സൂര്യോദയം
പ്രേമാമൃതം ചൊടിയില്‍ ഗാനാമൃതം
കരളിന്‍ കദളീവനം അനുരാഗഗാന
സാന്ദ്രമായിതാ... ഹേ

രാഗോദയം മിഴിയില്‍ സൂര്യോദയം
പ്രേമാമൃതം ചൊടിയില്‍ ഗാനാമൃതം
കരളിന്‍ കദളീവനം അനുരാഗഗാന
സാന്ദ്രമായിതാ... ഹേ

പൊന്നും പൂവുമായ് നിന്നെക്കാണുവാന്‍
ഈ വസന്ത ശ്രീവിലാസവും ഞാനുമായ്
കാത്തിരുന്നു നിന്‍ കിനാവിന്‍
മഞ്ചലില്‍ മുന്തിരിപ്പൂചൊരിയാന്‍
രാഗോദയം...

ഓമല്‍ക്കുളിരുമായ് നിന്മെയ് പുണരുവാന്‍
പ്രേമലോലനാം സമീരനും ഞാനുമായ്
ഓടിവന്നു നിന്മനസ്സിന്‍ നീലോല്പല
മലര്‍ മധുനുകരാന്‍
രാഗോദയം........