अजून नाही जागी राधा
अजून नाही जागे गोकुळ
अशा अवेळी पैलतीरावर
आज घुमे का पावा मंजुळ
मावळतीवर चंद्र केशरी
पहाटवारा भवती भणभण
अर्ध्या पाण्यामध्ये उभी ती
तिथेच टाकुन अपुले तनमन
विश्वच अवघे ओठां लावुन
कुब्जा प्याली तो मुरलीरव
डोळ्यांमधले थेंब सुखाचे
"हे माझ्यास्तव, हे माझ्यास्तव"
ajūn nāhī jāgī rādhā
ajūn nāhī jāge gokuḻ
aśhā aveḻī pailtīrāvar
āj ghume kā pāvā maṅjuḻ
māvaḻtīvar chaṅdr keśhrī
pahāṭvārā bhavtī bhaṇabhaṇ
ardhyā pāṇyāmadhye ubhī tī
tithech ṭākun apule tanaman
viśhvach avghe oṭhāṅ lāvun
kubjā pyālī to murlīrav
ḍoḻyāṅmadhle theṅb sukhāche
"he mājhyāstav, he mājhyāstav"